一晚普通家常便飯

星期日蕃茄叫左佢老死們黎屋企食飯，本來係平平無奇幾碟餸，因為份量之大，令我有個衝動要拍低落黎。



呢個飯盒係額外煮俾蕃茄老死第二朝lunch帶飯，嘩裡面有12隻雞翼再加乳豬再加菜呀"kick lick gwa la"加成底飯，究竟點樣可以消化到呢?? 實在蔚為奇觀!!



其他餸既size (除菜外)亦都非常大，拍得住Dan Ryan!! 雞翼約30-40隻，蝦斤半，乳豬兩盒，粉葛鯪魚湯一大煲!! 但你地估下我地有幾多人食?? 係4大位咋.....


最後大家一齊欣賞無線生活台既志雲飯局，今次既嘉賓係狄波拉。每次見到狄波拉我就諗起吳君如響一個電台節目講過關於佢既笑話; 話說有一個裝冷氣既技工去左狄波拉屋企整冷氣，咁去到時有個女人開門俾佢，佢入到去見到成屋都係狄波拉同佢屋企人既相，同埋聽到佢把聲，但睇勻全屋都唔見狄波拉本人喎，究竟點解呢?? 聰明既你一定諗到啦!!